Masa neumikrej Nabi Janjongan
Menghadap Tuhan yang maha suci
Ulanget tujoh jioh berjalan
Sampoe batasan arasy kurusi
Nabi
terlena di mesjidil haram
Sajan
ngoen rakan saidina ali
Jibril
teuka oh jula malam
Peurintah
tuhan Allahu Rabbi
Nabi neuajak ubak mon zam zam
Hate janjongan geuneuk peusuci
Neubedah dada laju masa nyan
Boh darah hitam bak jantong hatee
Sinan
saudara nyata ta paham
Rahmat
keualam muhammad Nabi
Beudah
operasi sinan mulaan
Jadi
teuladan bak mijred Nabi
Seleusai mano dudo keumudian
Neubri salenan oleh jibrail
Pakaian puteh bereseh bantrang
Laju berjalan beurangkat nabi
Umesjidil
aksa laju tujuan
Oh
sampoe kenan siat berhenti
Sembahyang
sunat siat lam malam
Meuhimpoen
keunan dum Nabi-Nabi
Di dalam syurga teuka minuman
Susu ngoen laban arak bereundi
Nabi cok susu jampu ngoen laban
Arak minuman neuyu pinah lee
Disinan
sahbat dapat ta paham
Arak
minuman han suka Nabi
Karena
arak rusak pikiran
Lagi
hai taulan rusak pribadi
Sampo oh jinoe tanyoe geularang
Arak minuman hareum seukali
Surat Al-baqarah Allah berfirman
Coba hai rakan tabaca kaji
Terima Kasih anda telah membaca Artikel, Syair Aceh Isra'k Mikraj Nabi Muhammad SAW